ООУ „Блаже Конески“ – Велес е училиште со повеќедецениска традиција и значајно место во воспитно-образовниот живот на градот. Училиштето е изградено во периодот 1979–1982 година, според проект на архитектите Јагода Мицајкова и Елеонора Анастасова, а во своите почетоци го носело името „Јосип Броз – Тито“.
Училиштето било проектирано како современ образовен простор со иновативен концепт на кабинетска настава и отворено училиште, што во тоа време претставувало новина во образованието. Со својата функционална архитектура и големите повеќенаменски простори, училиштето било препознаено како еден од примерите на современа училишна архитектура во Македонија.
Во 1994 година, училиштето го добива името ООУ „Блаже Конески“, во чест на еден од најзначајните македонски филолози, книжевници и кодификатори на современиот македонски литературен јазик.
Низ годините училиштето се развива во современа воспитно-образовна институција, со бројни постигнувања, награди и признанија. Во 1990 година му е доделена Спомен-плакета од Собранието на Општина Велес за успешната воспитно-образовна работа.
Денес ООУ „Блаже Конески“ продолжува да ја негува традицијата, знаењето, иновативноста, инклузивноста и почитувањето на различностите, создавајќи современа и стимулативна средина за развој на учениците.
0 responses to “Историјат”